Lo Madine Ki Tajali Se Lagaye Huwe Hain Complete Naat Lyrics

Written  Lyrics

لو مدینے کی تجلی سے لگا ئے ہوئے ہیں

دل کو ہم مطلع انوار   بنائے ہوئے ہیں

کشتیاں  اپنی   کنارے پہ لگائے ہوئے ہیں

کیا وہ ڈوبے جو محمد کے ترائے ہوئے ہیں

نام   آنے سے   ابو بکر و     عمر   کا لب پر

تو   بگڑتا ہے وہ  پہلو میں سلائے ہوئے ہیں

حاضر   و   ناظر و نور و بشر   و   غیب کو چھوڑ

شکر کر وہ تیرے عیبوں کو چھپائے ہوئے ہیں

شر م     عصیا   ں   سے    نہیں   سا منے   جا یا   جاتا   

یہ بھی کیا کم  ہے تیرے شہر میں وہ آئے ہوئے ہیں

اک   جھلک   آج   دکھا   گنبد   خضریٰ   کے   مکیں

کچھ   بھی   ہیں   دور سے دیدار کو آئے ہوئے ہیں

سر پہ     رکھ     دیجیے     دست     تسلی       آقا

غم کے مارے ہیں زمانے کے ستائے ہوئے ہیں

تیری   نسبت ہی تو ہے جس کی بدولت ہم لوگ

کفر   کے   دور   میں ایمان   بچائے   ہوئے ہیں

کاش  دیوانہ   بنالیں   وہ ہمیں بھی اپنا

ایک دنیا کوجو دیوانہ بنائے ہوئے ہیں

قبر  کی   نیند   سے   اُٹھنا   کوئی آساں نہ تھا

ہم تو محشر میں اُنہیں دیکھنے آئے ہوئے ہیں

کیوں    نہ   پلڑ ا   تیرے   اعمال   کا  بھاری ہو نصیر

اب   تو   میزان   پہ   سرکار   بھی آئے ہوئے ہیں

Image Lyrics